VOV4.K’ho- Ngai 14/07, pơrjum dơ̆ puan, Hội đồng Ñân zân càr Dăk Lăk khoă X tơrgùm cribơyai uă tơngume kwơmàng gơrềng tus ală broă lơh lơh jăt ală broă jàu, kơnòl broă bơtàu tơnguh lơh sa- mpồl bơtiàn, sền gàr niam dà lơgar mờ bơta lơngăp lơngai 06 nhai lồi nam, ală broă gơrềng ngan ngồn tus rài kis làng bol dê.

Ồng Trần Hồng Tiến đơs tàm dơ̆ pơrjum dơ̆ puan Hội đồng Ñân zân càr Dăk Lăk

Bơh cribơyai, ală kwang bàng sền bal neh ring bal mờ jơnau yal cồng nha lơh jăt kơnòl broă 06 nhai bồ nam, mơkung sồr ală anih lơh broă pal lơh pràn lơh niam wơl sră pơ àr kơrnoăt boh lam, mờ gơhòi gơ jà bơcri priă; sền gròi bơcri priă, bơtàu tơnguh phan bơna gùng lòt dùl ròt bal mờ pa, niam...Bè gah broă lơh sa sươn sre, ală kwang bàng sồr Ủy ƀan Ñân zân càr Dăk Lăk mờ ală gah lơh broă geh gơnoar geh broă lơh tăc sầu riêng mờ lơgar ndai. Mờ bă ù tam sầu riêng pơgăp 12 rbô lồ, plai sầu riêng pah nam lơh geh rlau 125 rbô tấn, Dăk Lăk kờñ pal lơh pràn tăc mờ lơgar ndai.

Cau mblàng Lơ Mu K’Yến