Nam do, bal mờ broă bơyai lơh ală dơ̆ pơrjum Hội đồng Ñân zân, tìp mat cau tĕ khà jat tơngai pơrgon ờs mờng mờ ală dơ̆ pơrjum mìng dùl tơngume, Hội đồng Ñân zân càr Dăk Lăk rơp sơlơ tơnguh tai broă lơh jat sền. Tàm hơ̆, tơrgùm tàm 2, 3 gah broă bè: Jat sền bè cồng nha lam lơh Rơndap broă tam pa wơl kơphe bơh càr dê tơngai bơh nam 2018 tus nam 2020; jat sền broă lam lơh tă tơm priă sền gàr brê tàm ală anih suơn dờng lơh sa suơn sre, brê bơnơm, ală kơnhoàl; Jat sền broă lam lơh gàr lơngăp lơngai rài kis mpồl bơtiàn tàm ală broă lơh gàr lơngăp lơngai rài kis mpồl bơtiàn; lam lơh jat sền jat jơnau đơng lam bơh Cíñ phủ dê bè ngui phan dà lơgar gơ wèt gơnoar atbồ bơh dà lơgar dê tàm 2, 3 anih lơh broă, mpồl lơh broă mờ jat sền bè mờng chài tam gơl rơndap ù tiah bơh tam gơl brê tŭ lam lơh Rơndap broă lơh gùng rơndeh ntoat mhar Buôn Ma Thuột – Khánh Hòa.