Ies, tơ̆p 16 ƀồc ntìng cau ling chơ̆t màng rồ geh tàm lơgar Lào mờ lơgar Campuchia
Thứ sáu, 08:02, 07/06/2024
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Drim òr (06/06), tàm ƀlàng tơ̆p ƀồc cau ling chơ̆t màng kơnhoàl tiah nhàr dà lơgar Ngọc Hồi, Tỉñ ủy, HĐÑZ, UɃÑZ, UɃMT Dà lơgar Việt Nam càr Kon Tum neh bơyai lơh ies mờ tơ̆p 16 ƀồc ntìng cau ling chơ̆t màng, cau jăk chài lơgar Việt Nam chơ̆t phi să tàm ală rài tam lơh tàm lơgar Lào mờ lơgar Campuchia geh Mpồl K53 càr Kon Tum jòi rồ tơrgùm geh tàm kàl prang pa do.
Đơs jơnau tàm dơ̆ ies, mò Y Ngọc, Phó Củ tịc UɃÑZ càr Kon Tum tơlik nùs nhơm pơlai mờ ưn ngài uă ngan gơwèt mờ ală cau ling chơ̆t màng-ală cau kòn jăk chài jơi bơtiàn lơgar Việt Nam dê neh khin cha tam lơh, phi să ai broă tơnklàs jơi bơtiàn bal mờ nùs nhơm tam klăc bal, git gơ̆p lơh bơyô bal mờ ală lơgar dờng màng.
Tàm 16 ƀồc ntìng cau ling chơ̆t màng mờ Mpồl K53 càr Kon Tum tơrgùm geh, geh 1 ƀồc cau ling chơ̆t màng neh git măt sơnđan là cau ling chơ̆t màng Đoàn Thanh Long, deh nam 1926, ƀòn tờm xã Điện Quang, kơnhoàl Điện Bàn, càr Quảng Nam. Mpồl lơh jăt kơnòl càr Kon Tum neh jào ƀồc ntìng cau ling chơ̆t màng do rê mờ hìu nhă mờ gơnoar atbồ ƀòn lơgar neh bơyai lơh ies mờ tơ̆p.
Viết bình luận