Do là jơnau đơs bơh ồng Arsjad Rasjid dê, Củ tịc Cơldŭ kă bro mờ lơh sa mờ măi mok Indonesia, mờ kung là Củ tịc Mpồl duh broă pơlam kă bro mpồl ASEAN nam 2023. Ồng Arsjad Rasjid đơs là, drà kă bro Đông Nam Á geh bơta pràn dờng ngan gơ wèt mờ rơndeh đèng, mờ priă lơh geh bơh tac tàm drà kă bro kờp dŭ là 2 tơmàn 700 tơlak dolar Mỹ tàm nam 2027.

Indonesia hơ pơrgon sơlơ tơnguh bơta lơh broă bal bơh gah lơh sa mờ măi mok rơndeh đèng bơh Indonesia mờ Việt Nam dê. Jơh bal 2 lơgar ndrờm geh bơta pràn dờng bè rơndeh đèng, mờ Việt Nam là drà kă bro rơndeh đèng dờng dơ̆ 3 tàm Đông Nam Á mờ Indonesia là drà kă bro rơndeh oto dờng ngan rlau jơh tàm tiah do. Mờ broă lơh broă bal mờ tam pà jơnau git wă kung bè priă jền, bơta ỏàn, 2 lơgar gơtùi ngui jơh bơta pràn bơh drà kă bro rơndeh đèng dê tàm tiah ASEAN.