Lài mờ hơ̆, ngai 09 nhai 9, oh Rơ Châm Ư bal mờ oh klao là Rơ Châm Chuân, deh nam 2015 mờ 3 nă cau bơyô là Chúc deh nam 2013, Vâng deh nam 2012 mờ H’ Lia deh nam 2015 tam jà bal lòt nhơl tềng gah tơnao dà tàm ƀòn Bui, xã Nghĩa Hưng. Tài trồ tơngai duh den tàng 3 nă oh là Rơ Châm Chuân, Chúc mờ H’ Lia mù tàm tơnao dà nàng um.

Tàm tŭ um den jơh 3 nă geh tơngŏ bŭ dà. Tŭ gŏ bè hơ̆, oh Rơ Châm Ư ntruñ tàm tơñao dà mờ hoài geh jơh 3 nă oh là Chúc, H’ Lia mờ Rơ Châm Chuân guh hờ đang gờl. Jơh 3 nă oh dềt tŭ geh dong klàs ndrờm gam tàm bơta ờ pràn să jan, mơya bơh tàm broă geh sơm, oh H’ Lia mờ Ư neh rơhời pràn wơl. Gam oh Rơ Châm Chuân, oh klao bơh oh Rơ Châm Ư dê neh gơtìp chơ̆t tài bŭ dà. Tơnơ̆ mờ tŭ git broă lơh khin cha bơh oh Rơ Châm Ư dê, Đoàn Ơruh pơnu Kộng Sản Hồ Chí Minh Dà lơgar neh tơlik kơrnoăt jào pà Gai lòng “Cau kơnòm să khin cha jăk chài” ai Oh Rơ Châm Ư in.