Mìng is ală nhai lồi nam do, neh geh 1 rbô 500 mpồl lơh sa kă bro pal tơrmù sră pơrgon tac phan, lơh 42 rbô nă cau lơh broă gơtìp roh broă lơh. Nàng dong kờl cau lơh broă sơrlèt gan tŭ tơngai kal ke do, Tổng Liên đoàn Lao động Việt Nam pơgồp bal mờ gah Bia Saigon gơ wèt Tổng Kông ty Bièr- ơlak- dà hùc lơh jơh tơ hìr Sài Gòn (SABECO) mờ Đoàn ơruh pơnu Kộng sản Hồ Chí Minh dà lơgar sơn đờm lam lơh broă lơh “Bal mờ gơp lơh gơs sa tềp”, jàu pà 8 rbô bơnah phan sa tềp ai cau lơh broă tàm gùt lơgar in.

Broă lơh “Bal mờ gơp lơh gơs sa tềp” geh lơh bơh ngai 07/01 tus ngai 15/02/2023. Jat hơ̆, 8 rbô bơnah phan sa tềp kờp priă 5 tơmàn 600 tơlak đông geh jàu ai cau lơh broă tàm 11 càr, ƀòn dờng tàm gùt lơgar in. Tơl bơnah phan kờp priă 700 rbô đông, geh 300 rbô đông priă mat mờ ală phan ngui sa pal geh tàm ngai sa tềp. Tàm dơ̆ sa tềp, wă rò sơnam pa tus, broă lơh “Bal mờ gơp lơh gơs sa tềp” gam cèng tus ală ù tiah sa tềp 3 tiah tàm 5 càr, ƀòn dờng là Hà Nội, Nghệ An, Bình Dương, Bạc Liêu, Dăk Lăk, Long An mờ ală bơta nhơl ñŏ bơh yau mờng kwèng mờ uă broă lơh niam ndai.