VOV4.K’ho- Mho ngai 22/3, Tập đoàn Sovico neh lam lơh jàu Anih yal tơnggit điện tử dong kờl pờ tơlik tơn tàm internet ai Mpồl atbồ Kes priă sơnơm vaccine rơcang sơndră kòp Kovid-19 in nàng pơn jat tai mblàng yal, hòi jà tă pơgồp ai kes priă in. Tơnơ̆ mờr 1 nam lam lơh, ai ngui, bơh website: www.quyvacxincovid-19.gov.vn ală broă lơh bơh kes priă dê geh yal loh làng, song dơpă tàm jơh ală tŭ tơngai, bơh broă hòi jà, tă pơgồp tus ngui kes priă, pơgồp bơnah lơh gơ rề mờ gơtùi pơn jờng bơta at tê bal tă pơgồp bơta pràn priă jền dờng bơh ală mpồl lơh broă, mpồl cau, cau dùl nă să tàm jơh gùt mpồl bơtiàn tàm kes priă sơnơm vaccine rơcang sơndră kòp Kovid-19. Kờp tus 5 jơ mho ngai 21/3/2022, kờp jơh priă geh tơrgùm tàm tài khoản bơh kes priă dê (kờp mờ priă Việt Nam đông mờ priă lơgar ndai tàm pơ gơl) geh rlau 8 rbô 950 tơmàn đông.

Cau mblàng K’Duẩn