VOV4.K’ho- Mho ngai 20/06, tàm ƀòn dờng Kon Tum, Mpồl cau lơh băo càr Kon Tum bơyai lơh dơ̆ tìp mat tơngkah kir sơnrai 97 nam Ngai sră băo Kăc màng Việt Nam 21/06 mờ jàu khà jờng sră băo càr Kon Tum dơ̆ 10 nam 2022. Khà jờng sră băo càr Kon Tum dơ̆ 10 dờp geh 56 jơnau cih gơwèt 5 bơta sră băo bơh 22 nă cau cih mờ 6 mpồl cau cih tus bal. Tàm hơ̆ bơta sră băo in geh 14 jơnau, băo điện tử geh 17 jơnau, pờ tơlik jơnau đơs geh 11 jơnau, gah sơñio rùp geh 11 jơnau mờ rùp sră băo geh 3 jơnau.

Jàu khà A ai 5 nă cau cih mờ mpồl cau cih in

Jơnau đơs bơh Mpồl bơyai lơh Khà jờng sră băo dê pà gŏ, ală jơnau cih geh tơl di mờ tơngume, tơngume bồ tơngoh, pơlam gùng dà bơh Kơrnoat jàu khà jờng sră băo mờ cih yal tơl làm ală gah. Mpồl duh broă jàu khà jờng sră băo càr Kon Tum neh lơh nền jàu 5 khà A, 5 khà B, 9 khà C mờ 8 khà pơn jờng.

Cau mblàng K’Hạnh