Khà jờng Sră ƀăo tiah Tây Nguyên dơ̆ sơnrờp geh bơyai lơh, nàng kờñ cih dờp, pơndờm pơnđiang, jờng rơ mờ pà khà jờng ai ală cau geh jơnau cih ƀăo niam ngan in geh pơnđàng tàm nam 2023, cih bè Tây Nguyên.

Bơh 250 jơnau cih pơyua pơrlòng mờ 4 bơta sră ƀăo: ƀăo pơ àr, ƀăo internet, ƀăo pờ tơlik jơnau đơs mờ ƀăo sơñio rùp, Mpồl Bơyai lơh neh săc rwah rlau 100 jơnau cih tơmŭt tàm dar pơrlòng dŭt ndơl. Cồng nha geh 22 jơnau cih geh khà jờng, geh 2 khà I, 4 khà II, 6 khà III mờ 10 khà pơn jờng. Ală jơnau cih pơyua pơrlòng in geh bơta sền gròi uă ngan, bơta niam niam ngan bè tơnggume mờ đah bơdìh. Bàr pe jơnau cih geh tơnggume pa, niam, lơyah, tơnggume li la pơgồp bal uă gah mblàng yal wơl jơnau, lơh gơlik bơta gơrề, gơhòi gơ jà bơyô sền. Is ồn là bơta niam chài mờ ală lơh ngan prăp gàr bơhiàn yau, niam chài bơh gơnoar ătbồ ală tiah mờ làng bol ală jơi bơtiàn Tây Nguyên dê.