Jàu nơm be dra dong cau ùr kal ke là làng bol jơi bơtiàn dồ ết nă cau tàm càr Dăk Lăk in
Thứ sáu, 13:43, 04/10/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Tàm 2 ngai, ngai 3 mờ ngai 4 nhai 10, Mpồl Cau ùr lơh sa kă bro dồ nă să is càr Dăk Lăk bơyai lơh dơ̆ jàu gĭt nđờ jơ̆t nơm be dra dong kờl cau ùr kal ke là làng bol jơi bơtiàn dồ ết nă cau tàm ală tiah sar lơgar ngài, tiah kal ke tàm càr in.
Tàm dơ̆ do, Mpồl cau ùr lơh sa kă bro dồ nă să is càr Dăk Lăk jàu 27 nơm be dra ai 7 hìu bơnhă cau ùr jơi bơtiàn dồ ết nă cau tàm ală kơnhoàl Krông Bông, Krông Buk, Cư Kuiñ mờ ƀòn dờng Buôn Ma Thuột in. Tơl hìu bơnhă geh dong kờl bơh 3 tus 5 nơm be dra jat broă lơh tàm pơdar be dra tàm tơngai 2 nam.
Tàm tŭ ròng siam, ală cau ùr lơh sa kă bro dồ nă să is mờ mpồl cau ùr ală tiah dê rơ̆p lòt bal, jat sền ală hìu bơnhă, dong kờl tơn bè bơta chài, phan sa mờ broă ròng siam be. Khà be geh jàu gơwèt broă lơh Lơh bal ròng be- tam gơl broă lơh broă sa, là broă lơh lơh jat “120 bơnah broă lòt bal mờ cau ùr, kơnòm dềt rƀah” di dơ̆ pơrlòng is ồn gờm chờ tơngkah kir sơnrai 120 nam tơngơs càr Dăk Lăk.
Viết bình luận