3 hìu bơnhă geh dong kờl priă lơh hìu là hìu bơnhă ală cau ling sồt să ồng Lê Văn Phục, ơm tàm thôn 12, xã Ia Rvê; ồng Nguyễn Văn Minh, ơm tàm thôn 13, xã Ea Lê; mờ  ồng Y Blưng Hra, ơm tàm ƀòn A1, ƀòn drà dềt Ea Súp. Kờp jơh priă dong kờl tơl hìu bơnhă là 100 tơlak đong. Tàm hơ̆, Kông ty Ồs dèng dờng tiah tàm ngùl lơgar dong kờl 60 tơlak đong, kơnhoàl Ea Súp dong kờl 30 tơlak đong bơh kes priă kis gĭt jơnau gĭt adat, gơnoar atbồ ală xã dong kờl 10 tơlak đong. Bơdìh hơ̆, ală hìu bơnhă gam tă pơgồp tai priă jền nàng lơh hìu pa dờng niam.

Tàm ngai jàu hìu, Ồs đèng Dăk Lăk pà tơl hìu bơnhă in dùl bơnah phan kờp priă mờr 5 tơlak đong nàng blơi tai ală phan  ngui tàm hìu bơnhă. Lài hơ̆, kung bơh priă dong kờl bơh Kông ty ồs đèng dờng tiah tàm ngùl lơgar, Ồs đèng Dăk Lăk neh lơh 2 nơm hìu bơta nđàc dong ală hìu bơnhă geh sră dong kờl dà lơgar in tàm kơnhoàl Buôn Đôn, càr Dăk Lăk.