Đơs tàm dơ̆ bơyai lơh Sơnđờm mŭt nam bơsram pa, mò H’Yim Kđoh, Phó Củ tịc Anih duh broă Làng bol càr Dăk Lăk gờm chờ ală cồng nha mờ Đại họk Tiah đah măt tơngai lik câu Á anih lơh broă tàm càr Dăk Lăk dê neh lơh geh tàm tơngai do; cih dờp ală lơh ngan pơnđơl pràn bơh mpồl cau ătbồ hìu bơsram dê nàng ală cau bơsram dờng in geh bơsram tàm hìu bơsram niam bơnĕ, bơta măy mŏk phan bơna, phan ngui bơsram pa jak chài bal mờ mpồl cau pơgru mờng chài tàm broă lơh.

Tàm dơ̆ bơyai lơh Sơnđờm mŭt nam bơsram pa, Hìu bơsram neh jờng rơ muh măt mờ jàu 5 bơnah priă dong kờl bơsram 50% priă tă bơsram ai jơh tơngai bơsram in, 9 bơnah priă dong kờl bơsram 25% priă tă bơsram ai jơh gùt tơngai bơsram in ai ală cau bơsram dờng pa in. Mơkung cih dờp mờ jàu gĭt nđờ rhiang bơnah priă dong kờl bơsram pơn jờng bơsram mờ kờp priă 7 tơlak đong dồ bơnah. Kờp jơh priă dong kờl bơsram bơta jak mờ pơn jờng bơsram nam 2024 geh jàu rlau 4 tơmàn 700 tơlak đong.