VOV4.K’ho- Tàm Pơrjum dơ̆ 5 Ƀan Cấp hàñ Đảng dà lơgar khoă XIII sơnđờm mŭt lơh tàm ngai 04/05 mờ digơlan geh lơh tus ngai 10/05 do, Tổng Ƀí thư ồng Nguyễn Phú Trọng pà gĭt, lơh jăt Broă lơh broă nam 2022 mờ Jơnau đơs pơndŭt tàm pơrjum dơ̆ 21 bơh Mpồl đơng lam kâp Dà lơgar bè rơcăng sơndră sa kwề sa kwà, ờ niam dê, Ƀộ Cíñ trị jàu Ƀan Nội cíñ kâp dà lơgar in drơng lơh, pơgồp bal mờ ală anih lơh broă geh gơrềng sơrbac mhar, kơlôi sơnơng nền, lơh Rơndăp broă lơh crơng gơs Mpồl đơng lam kâp càr bè rơcăng sơndră sa kwề sa kwà, ờ niam.

Bơh tă pơgồp jơnau đơs lơh Rơndăp broă lơh, neh geh jơh ală 63 Tỉñ ủy, Thàñ ủy ring bal mờ gùng dà crơng gơs Mpồl đơng lam kâp càr bè rơcăng sơndră sa kwề sa kwà, ờ niam. Tổng Ƀí thư ồng Nguyễn Phú Trọng sồr Dà lơgar kơlôi sơnơng, sền swì, ai jơnau đơs mờ lơh nền ală jơnau dan, jơnau sồr tàm Sră yal bơh Ƀộ Cíñ trị dê, ngan là bè gùng dà crơng gơs Mpồl đơng lam kâp càr bè rơcăng sơndră sa kwề sa kwà, ờ niam nàng kờñ pơgồp bơnah tơnguh tai bơta đơng lam, sồr lam lơh jăt kràñ cê jơh nùs, dùl ròt bal bơh kâp Dà lơgar tus ƀòn lơgar broă lơh rơcăng sơndră sa kwề sa kwà, ờ niam bơh jơh gùt Đảng, jơh gùt làng bol mờ jơh gùt ling klàng he.

Cau mblàng Lơ Mu K’Yến