Tàm pơrjum, ală kwang bàng đơs là Rơndăp broă, broă rơndăp lơh neh lơh gơs 3 kơnòl tờm di jăt broă lơh mờ bơ̆t bơtàu 6 mpồl broă lơh jăt broă rơndăp lơh ù tiah. Mơya, pal bơtơl ală cơng tàng adăt boh lam mờ ală sră nggal bơh Đảng mờ Dà lơgar nàng gàr niam bơta kơ̆ kơl jăp.

                                                                                Anih pơrjum

                                       Ală kwang bàng cri bơyai, tơlik jơnau đơs pơgồp bal tàm pơrjum

Uă kwang bàng đơs là, bal mờ broă sền wơl mùl màl lơh sa mpồl bơtiàn, bơta tŭ do bơh ƀòn drà, ƀòn lơgar, broă lơh gùng, ngui ù, rơndăp broă pal geh sền wơl loh làng bè brê bơnơm, bơta geh uă siñ họk, tam gơl trồ tiah mờ siồ siă kră, bơta tŭ do broă bơto bơtê mờ bơsram bal mờ khoa họk kông nghệ nàng geh broă lơh di pal. Tàm broă rơndăp lơh ù tiah tơnguh bơtàu lơh sa suơn sre, pal đơs loh rơlao broă lơh sa suơn sre bơh càr dê mờ kơlôi sơnơng jơnau kờñ lơh tơngai bơh nam 2021 tus 2030 là broă bơ̆t bơtàu bơta tờm ai broă tơnguh bơtàu lơh sa suơn sre kông nghệ kao kơl jăp, di pal mờ bơta pràn bal mờ bơta ngăc ngar lơh sa bơh càr dê.

Rơcang rơndăp broă ù tiah càr Dăk Lăk tơngai bơh nam 2021 tus 2030, wèt tus nam 2050 gam geh bơyai lơh ai jơnau đơs pơgồp bal uă tàm gùt càr nàng lơh gơs yal mờ kấp geh gơnoar kĭ. Rơndăp broă lơh ai jơnau kờñ tus nam 2050, càr Dăk Lăk gơs càr geh bơta ngăc ngar tơnguh bơtàu pràn gùt lơgar dê.