Pơrjum cri bơyai nàng lơh pràn broă lơh bal dunia, là dơ̆ niam nàng cau tus bal cri bơyai bè ală jơnau kơlôi pa bè bơto bơtê, bơsram broă mờng chài bơh ală cau jăk chài, cau dong broă bơto bơtê geh nùs nhơm pin dờn, bơh tŭ hơ̆ ai geh bơta niam nàng ală jơnau kơlôi lơh pa tềng đăp mờ ală bơta lòng mờ dunia gam pal gơtìp.

Tus bal broă lơh “Jơnau kơlôi lơh pa cau đơng lam kơnòm să Đông Nam Á (YSELI) 2023” là 75 nă cau pơgru, ală cau ai geh gùng dà broă lơh mờ lam sồr geh broă dong kờl, sơrlèt mờ dar rơwah nền nòn mờ rơlao 900 nă cau tus bal bơh ală lơgar tàm mpồl ASEAN mờ lơgar Timor Leste. Tàm tơngai lơh 4 ngai, cau tus bal geh dơ̆ niam nàng tơrbŏ bal, bơsram mờ cri bơyai bal broă mờng chài bơh uă broă lơh krơi is, bơh ală dơ̆ cri bơyai bal, cri bơyai mpồl dềt, tus ală dơ̆ lòt mùl màl.