Ƀan Cấp hàñ Đảng Kộng sản Dà lơgar Việt Nam, Quốk hội lơgar Kộng hòa xã hội củ nghĩa Việt Nam, Củ tịc lơgar Kộng hòa xã hội củ nghĩa Việt Nam, Cíñ phủ lơgar Kộng hòa xã hội củ nghĩa Việt Nam, Ủy ƀan Mặt trận Dà lơgar Việt Nam mờ hìu bơnhă pơlai soh ngan yal:

Ồng Lê Văn Thành, deh ngai 20/10/1962; ƀòn tờm: Xã Tân Liên, kơnhoàl Vĩnh Bảo, ƀòn dờng Hải Phòng; ơm tàm hìu sồ 217, gùng Lạch Tray, quận Ngô Quyền, ƀòn dờng Hải Phòng; tus bal lơh broă nhai 02/1988; mut Đảng ngai 24/6/1997; Kwang bàng Đảng ală khoă XII, XIII, Kwang bàng tàm Mpồl đơng lam Đảng Cíñ phủ, Phó Thủ tướng Cíñ phủ; lài do là Ƀí thư Thàñ uỷ ƀòn dờng, Củ tịc Hội đồng Ñân zân ƀòn dờng Hải Phòng; Kwang bàng Quốk hội khoá XII. Ồng geh Đảng, Dà lơgar pà Gai lòng Lơh broă khà 3, Cau ling tàm pơrlòng jak gùt lơgar mờ uă gai lòng dờng màng ndai.

Tơnơ̆ dùl tŭ tơngai gơbàn kòp kơn jơ̆, bulah neh geh Đảng, Dà lơgar, mpồl cau ală giáo sư, ƀak sĩ mờ hìu bơnhă jơh nùs trăng gàr, sơm kòp, mơya tài bơh kòp kơn jơ̆, ồng neh sang rài tàm tŭ 8 jiơ 20 phuk mang, ngai 22/8/2023 (hơ̆ là ngai 07 nhai 7 nam Quý Mão) tàm hìu is, kis jŏ 61 sơnam.

Nàng tơngŏ nùs nhơm pơlai soh ngan mờ cih dờp ală cồng nha, dà kơl hề tă pơgồp bơh ồng Lê Văn Thành dê, Ƀan Cấp hàñ Đảng Kộng sản Dà lơgar Việt Nam, Quốk hội lơgar Kộng hòa xã hội củ nghĩa Việt Nam, Củ tịc lơgar Kộng hòa xã hội củ nghĩa Việt Nam, Cíñ phủ lơgar Kộng hòa xã hội củ nghĩa Việt Nam, Uỷ ƀan Mặt trận Dà lơgar Việt Nam lơh nền bơyai lơh dơ̆ iês tơ̆p ƀồc ồng Lê Văn Thành mờ broă lơh  Dơ̆ ies tơ̆p ƀồc kấp Dà lơgar.

Jơnau yal Dơ̆ bơyai lơh ies tơ̆p ƀồc ồng Lê Văn Thành

Ƀan Ƀí thư Đảng dà lơgar neh tơlik kơrnoăt tơlik măt Mpồl bơyai lơh ies tơ̆p ƀồc Dà lơgar geh 23 nă kwang bàng; geh ồng Lê Minh Khái, Ƀí thư Đảng dà lơgar, Phó Thủ tướng Cíñ phủ lơh kwang lam bồ mpồl.

Ƀồc ồng Lê Văn Thành geh ơn tàm Hìu pơrjum ƀòn dờng Hải Phòng, sồ hìu 18 gùng Hoàng Diệu, quận Hồng Bàng, ƀòn dờng Hải Phòng.

Dơ̆ ies geh bơyai lơh tàm tŭ 9 jơ drim ngai dơ̆ pram do, ngai 24/08/2023 (hơ̆ là ngai 09 nhai 7 nam Quý Mão) tus 7 jơ drim ngai dơ̆ poh, ngai 26/8/2023 tàm Ƀlàng tơ̆p ƀồc ƀòn lơgar tờm, xã Tân Liên, kơnhoàl Vĩnh Bảo, ƀòn dờng Hải Phòng.