Ồng Nguyễn Xuân Tiến, deh ngai 15 nhai 05 nam 1958.

Ƀòn tờm: Xã Quảng Thọ, kơnhoàl Quảng Điền, càr Thừa Thiên Huế.

Ơm kis sùm tàm hìu sồ B51 Tiah rơndăp ù tiah Golf Valley, sơnah ƀòn 2, ƀòn dờng Dà Làc, càr Lâm Đồng.

Tus bal lơh broă bơh nhai 03 nam 1978, mŭt Đảng nhai 02 nam 1982. Lài do là Kwang bàng Ƀan Câp hàñ Đảng Kộng sản Dà lơgar Việt Nam khoá XI, XII; lài do là Ƀí thư Tỉñ ủy càr, Củ tịc Hội đồng Ñân zân càr, Củ tịc Ủy ƀan Ñân zân càr Lâm Đồng.

Ồng geh Đảng, Dà lơgar jàu pà phan ƀàn Gai lòng Lơngăp lơngai is Khà II, Gai lòng Lơh broă Khà I, Gai lòng 40 sơnam Đảng mờ uă gai lòng dờng màng ndai.

Tơnơ̆ dùl tŭ tơngai gơbàn kòp kơn jơ̆, bulah neh geh Đảng, Dà lơgar, ală cau pơgru dờng, ƀak sĩ, mờ hìu bơnhă jơh nùs ngan sền gàr, dong kờl, sơm kòp, mơya tài bơh kòp kơn jơ̆ ir, ồng Nguyễn Xuân Tiến neh sang rài tàm tŭ dùl jiơ 15 phuk ngai 28//08/2023, hơ̆ là ngai 13 nhai 07 nam Qúy Mão tàm hìu is. Kis jŏ: 67 sơnam.

Nàng tơngŏ nùs nhơm kah sơnđàc ngan gĭt lơh mờ cih dờp ală cồng nha, tă pơgồp bơh ồng Nguyễn Xuân Tiến dê, Ƀan Câp hàñ Đảng Kộng sản Dà lơgar Việt Nam lơh nền bơyai lơh Dơ̆ tơ̆p ƀồc ồng Nguyễn Xuân Tiến bal mờ broă lơh Dơ̆ tơ̆p ƀồc kwang bàng kâp dờng.

 ɃAN CÂP HÀÑ ĐẢNG KỘNG SẢN DÀ LƠGAR VIỆT NAM

TỈÑ ỦY CÀR- HỘI ĐỒNG ÑÂN ZÂN CÀR- ỦY ɃAN ÑÂN ZÂN CÀR- ỦY ɃAN MẶT TRẬN DÀ LƠGAR VIỆT NAM CÀR LÂM ĐỒNG