VOV4.K’ho- Jơh gùt tiah Tây Nguyên tŭ do geh mờr 2 rbô tơnau dơng dà bơ tơt rbòng dà. Jơnau pơhìn ờ kơ̆ ală tơnau bơtơt dơng dà tàm kàl mìu nhàc dà kŏ dà cò neh geh Ƀộ Nông nghiệp mờ Phát triển Nông thôn đơs lài bơh uă nam do.

Ală tơnau dơng dà tàm Tây Nguyên gam ơm tàm bơta ờ kơ̆

Tàm dơ̆ lòt sền tơnau bơtơt dơng dà tàm Tây Nguyên rềp ndo, ồng Nguyễn Văn Tỉnh, Kwang atbồ Tổng kụk Bơtơt rbòng dà pà git, tàm uă tiah, tàm kàl mìu dà kŏ dà cò, tàm ală tơnau dơng dà pa mìng gơtùi đơs tus jơnau yuh dà kŏ dà cò bè ờs, yuh dà jat broă bơceh lơh mờ ờ hềt kờp dŭ tus jơnau bơcah bơtơt dơng dà. Tàm tŭ hơ̆, jơh ală tơnau dơng dà den ndrờm tàm bơta đơs lài ờ kơ̆, ngan là ală bơtơt rbòng dà geh bơt mờ ù neh uă nam. Do là bơta ngòt rơngơt ngan tàm kàl mìu nhàc mờ ală càr Tây Nguyên pal jat sền. Tàm tŭ kơp kes priă dà lơgar nàng lơh niam wơl, ală càr tàm tiah do pal rơcang lài lam lơh ală broă rơndap lơh gàr niam ờdo ờdă tơnau bơtơt dơng dà nàng gờñ git gŏ mờ geh ală jơnau đơs lài di tŭ ai làng bol in.

Cau mblàng K’Duẩn