VOV4.K’ho- Ngai 28/02, tàm Hà Nội neh geh lơh Dơ̆ kĭ hơ jơnau ring bal lơh broă bal tàm gah broă lơh tơrmù rƀah đah Broă lơh Bơtàu tơnguh Liên hợp quôk (UNDP) mờ Cơldŭ lơh broă dà lơgar bè tơrmù rƀah, Ƀộ Lao động, Thương ƀiñ mờ Xã hội mờ yal tơngĭt rơndăp broă lơh “Bơ̆t bơtàu broă lơh mờ bơto pơlam broă lơh dong kờl bè tơrmù rƀah uă gah mờ kơ̆ kơl jăp jŏ jòng, tơngai bơh nam 2021- 2023”.

Broă lơh lơh jăt broă lơh tơrgùm bơcri tàm kòn bơnus, lơh tơn là bơcri mờ tơnguh uă bơta pràn jak cau rƀah in; gĭt nền loh làng jơnau bơh tài gơbàn rƀah nàng bơsong jơh ală broă bơh cau rƀah dê, tiah gam rƀah. Đơs tàm dơ̆ bơyai lơh, Ala măt lơh broă sùm bơh Broă lơh Bơtàu tơnguh Liên hợp quôk tàm Việt Nam mò Caitlin Wiesen pà gĭt, bơh  Sră cih kah kĭ hơ ngai do, UNDP geh bơto pơlam tơn broă lơh dong kờl mờ dong kờl bơta chài ai Ƀộ Lao động, Thương ƀiñ mờ Xã hội in nàng pờ ơnàng broă lơh ală broă bơceh pa, neh geh lơh tơrlòng lài Tơrmù rƀah kơ̆ kơl jăp jŏ jòng tơngai bơh nam 2021- 2025 mờ lơh jăt jơnau kờñ bơh broă lơh dê là tơrmù khà hìu bơnhă rƀah mờ mờr ndrờm bè hìu bơnhă rƀah gơmù gam nggùl tàm nam 2025.

Cau mblàng Lơ Mu K’Yến