Tàm dơ̆ cri bơyai, Thủ tướng lơgar Australia ồng Anthony Albanese jờng rơ Thủ tướng Cíñ phủ ồng Phạm Minh Chính dơ̆ sơnrờp tus còp mùl màl lơgar Australia; ai tơngŏ bơta pơgồp bal niam bơh mpồl kwang bàng lơgar Việt Nam dê tàm cồng nha bal bơh Pơrjum Kấp dờng Kwơ màng tơnkah 50 nam bơta git gơ̆p đah mpồl ASEAN mờ lơgar Australia geh bơyai lơh tàm ƀòn dờng Melbourne bơh ngai 05 tus ngai 06 nhai 3 pa do.

Bàr kwang đơng lam cri bơyai, ring bal geh pơgồp bal nền nòn nàng lơh 06 gùng dà broă lơh dờngnàng a broă lơh bal tàm ală gah broă geh nền nòn, geh cồng nha, mùl màl rơlao. Tơnơ̆ dơ̆ cri bơyai, bàr Thủ tướng neh jào Jơnau yal bơr bal bè tơnguh bơta git gơ̆p tus Tam klăc bal Jŏ jòng Tơl ală bơta đah lơgar Việt Nam mờ lơgar Australia mờ sền dơ̆ jài 11 pang sră lơh broă bal tàm ală gah broă bơto bơtê mờ bơsram; sền gàr bơta ring lơngai; sền gàr cau ngui sa; hòi jà kă bro, bơcri priă; khoa họk-kông nghệ, tam gơl pa bơceh lơh; priă jền; ngân hàng; kơlôi sơnơng khoa họk nàng bơtàu tơnguh lơh sa suơn sre, brê bơnơm, phan tàm dà; lơh broă; tiah kis; mờ năng lượng, phan kwơ geh is tàm ù.