Ƀồc ồng Nguyễn Phú Trọng geh ơn tàm Hìu Ies Dà lơgar tềng hìu sồ 05 gùng Trần Thánh Tông, ƀòn dờng Hà Nội.

Dơ̆ ies ƀồc ồng Nguyễn Phú Trọng geh bơyai lơh tàm Hìu ies ƀồc Dà lơgar hìu sồ 05, gùng Trần Thánh Tông, ƀòn dờng Hà Nội, sơn đờm lơh bơh 07 jơ drim tus 10 mang ngai 25 nhai 07 nam 2024 mờ bơh 07 jơ drim tus 01 jơ mho ngai 26 nhai 07 nam 2024. Dơ̆ kah pơrlai ƀồc ồng Nguyễn Phú Trọng geh bơyai lơh tàm tŭ 01 jơ mho ngai 26 nhai 07 nam 2024 tàm hìu ies Dà lơgar hìu sồ 05 gùng Trần Thánh Tông, ƀòn dờng Hà Nội.

Dơ̆ tơ̆p ƀồc geh bơyai lơh tàm tŭ 03 jơ mho ngai bal tàm ƀlàng tơ̆p ƀồc Mai Dịch, ƀòn dờng Hà Nội.

Dơ̆ ies, dơ̆ kah pơrlai ƀồc ồng Nguyễn Phú Trọng geh bơyai lơh tàm dùl ngai bal tàm Hìu pơrjum dờng Thống Nhất, ƀòn dờng Hồ Chí Minh mờ tàm ƀòn tờm xã Đông Hội, kơnhoàl Đông Anh, ƀòn dờng Hà Nội.

Anih sơnio rùp Việt Nam mờ Anih jơnau đơs Việt Nam rơ̆p bơyai lơh pờ tơn Dơ̆ ies, Dơ̆ kah pơrlai mờ Dơ̆ tơ̆p ƀồc ồng Tổng Ƀí thư Nguyễn Phú Trọng tàm Hà Nội mờ ƀòn dờng Hồ Chí Minh.

Tàm bàr ngai ies Dà lơgar bơh ngai 25 nhai 7 nam 2024 mờ ngai 26 nhai 07 nam 2024, ală anih lơh broă, hìu lơh broă, tiah mpồl bơtiàn yồng bồng bi gơjrùh, ờ bơyai lơh ală broă lơh nhơl chờ pơrài bồ tơngoh tàm mpồl bơtiàn.