10 muh măt cau kơnòm să Việt Nam pơnrơ jak nam 2022 là ală muh mat lơh geh bơta pràn gơhòi gơ jà, tềl lời wơl uă tàm mpồl bơtiàn kơnờm bơh ală broă lơh ngan, pơđơl pràn bơh să tờm dê bal mờ ală cồng nha lơh geh niam ngan.

Pơnrơ ngan bè: Tiến sĩ Trương Thanh Tùng, Hìu bơsram Đại họk Phenika, Hà Nội mờ uă broă kơlôi sơnơng jak chài niam ngan; Trung úy Dương Hải Anh là Ƀí thư Đoàn Ơruh pơnu Kwang àng càr Sơn La bal mờ gùng lòt lơh broă dong kờl is lơh kwèng uă plai nùs kờñ gơboh kòn bơnus tàm sơm băt tê bal dong kờl ai kơnòm dềt tiah kơh bơnơm jơnhoa in; klau pơnu kỹ sư Nguyễn Văn Thiên Vũ neh mòn rơndeh par ờ geh cau măy, ngui măy mok do tàm lơh broă sa sươn sre; muh mat cau kơnòm să Hà Myo là dùl nă cau chài kơnòm să tam gơl pa, bơceh lơh gơ cèng jơnau đơs crih phan lời wơl bè đơs crih Xẩm, đơs crih Xoan.