VOV4.K’ho- Di dơ̆ do, Mpồl đơng lam dà lơgar hòi jà pà mhàm dong kờl is pơgồp bal mờ Mpồl Cữ thập đỏ Việt Nam, Viện Huyết họk- truyền máu dà lơgar neh bơyai lơh broă lơh jờng rơ 100 nă cau cau pà mhàm is pơn rơ jak ngan jơh gùt lơgar nam 2022 mờ tơngume “Tơlak plai nùs, dùl nhơm tă bal, pà mhàm is dong kờl cau”.

Tàm khà 100 nă krơh niam pà mhàm is pơn rơ jak geh jờng rơ nam do, geh uă cau neh pà mhàm is bơh 60 dơ̆ rlau hơđang; ală krơh niam tus bal pà mhàm is sùm, pà mhàm is tàm ală tŭ jal mhar; mơkung neh lơh ngan hòi jà gĭt nđờ rơhiang nă cau tus bal pà mhàm is. Mò Bùi Thị Hòa, Củ tịc Mpồl Cữ thập đỏ Việt Nam, Anih lơh broă sùm Mpồl đơng lam dà lơgar hòi jà pà mhàm dong kờl is đơs ngan: là mpồl cau tờm ngan, ală kwang bàng, cau tàm mpồl, cau tus bal dong kờl is Cử thập đỏ neh ngui niam nùs nhơm duh hồl, lơh ngan, kơ̆ wền pơgồp bal mờ gah lơh sơnơm, mờ ală ƀan, ngàñ, mpồl cau nàng mblàng yal jơnau, hòi jà làng bol mơkung tus bal tơn pà mhàm is ờdo ờdă.

Cau mblàng K’Hạnh