Củ tịc lơgar ồng Võ Văn Thưởng neh tus bal dơ̆ bơyai lơh. Nting bơr gờm chờ 10 nă cau kơnòm să geh pơn rơ gơguh jak mờ 43 nă cau kơnòm să kơp kơnờm gùt ling klàng, ala mat git nđờ rbô nă cau pơn rơ gơguh jak geh mat tàm dơ̆ bơyai lơh jờng rơ, Củ tịc lơgar ồng Võ Văn Thưởng đơs loh: ai geh bơta pơn iờ să do neh kal ke, mơya nàng gàr gơtùi bơta pơn iờ să do den sơlơ kal ke rlau, do rơp là tềl kuơmàng tàm rài kis tàm ling klàng, là bơta gơn kơnờm kuơmàng ngan nàng ală cau kơnòm să in pơn jat tai pơn đơl pràn, pơlam tàp, ngai sơlơ lơh niam să tờm he dê nàng gơ gơs kwang bàng cau ling ling klàng jak chài- geh nùs nhơm niam, ờ mìng hàng niam mờ gam jak chài bè Bác Hồ neh bơto sồr.

Nàng ngui niam rlau tai bơta pràn dờng màng bơh ơruh pơnu ling klàng dê, Củ tịc lơgar sồr ơruh pơnu ling klàng pal pơn jat tai pơgồp bal jơh nùs mờ mpồl duh broă đoàn tiah lơh pôs, lam lơh niam broă lơh hòi jà làng bol, pơgồp bal rềp mềr mờ làng bol, ơm bal, sa bal, lơh bal nàng geh dờng pràn tàm broă lơh bơto bơtê bơh làng bol dê, tŭ lơi kung rơcang phi să tài làng bol là rùp hin niam ngan rlau jơh bơh ling klàng dê bơh làng bol mờ gơs, tài làng bol mờ tam lơh.