VOV4.K’ho- Kah kơlôi 43 nam tơnơ̆ tam lơh sền gàr tiah nhàr dà lơgar đah tô dà lơgar, sơn đờm lam lơh tàm ngai 17/02/1979, kơnhoàl Mường Khương, càr Lào Cai bơyai lơh chu ñàng kah ưn ngài ală cau ling chơt màng tàm pôs ling sền gàr tiah nhàr dà lơgar Pha Long neh khin cha jak chài phi să tàm dơ̆ tam lơh cui rơcai do nàng sền gàr gơnoar tờm ù tiah dà lơgar.

                    Kah kơlôi ală cau ling chơt màng phi să tàm dơ̆ tam lơh sền gàr tiah nhàr dà lơgar

Tàm tơrñăng kah kơlôi geh ơn kềng đah ma pôs đồng cih mat 41 nă cau ling chơt màng; tàm hơ̆, 27 nă cau ling chơt màng chơt phi să tàm 4 ngai măng sơn rờp tam lơh khin cha jak chài tàm tiah bồ tô nhàr dà lơgar. Di dơ̆ do, kơnhoàl Mường Khương kung neh bơyai lơh lùp còp ală hìu bơnhă geh sră dong kờl bơh dà lơgar, cau tờm pròc mhàm ală cau geh màng tàm do; bơyai lơh wàs kloh niam ală tiah tềl, cơng tàng kah yau; chi ñàng tơrñang bơtô ƀồc cau ling chơt màng phi să tàm dơ̆ tam lơh nam 1979.

Cau mblàng K’Duẩn