Jat Đại tá ồng Nguyễn Minh Khánh, Phó Kwang đơng lam bồ, Kwang atbồ mpồl pơlam broă Tiah kảñ sát dà lềng 3 đơs, do là broă lơh ngan ngồn nàng mpồl kảñ sát dà lềng 2 lơgar in geh tìp mat lơh kwèng, bơsram bè bơta chài bơsong ală broă gơlik geh mờ broă lơh rơcang sơndră bơta aniai tàm dà lềng, dong kwang bàng, sĩ quan 2 lơgar geh tai mờng chài; mờ kung pơlam tàp bơta rơcang lài, bơceh lơh, tơnguh pràn jak lam lơh đơng lam bồ tàm broă lơh jat ală kơnòl broă geh jàu.

Jat Kwang đơng lam bồ ling dà lềng ồng Sudhir Ravindran, Kwang atbồ Mpồl sền gàr gah dà lềng lơgar Ấn Độ pà git, do là tŭ niam nàng 2 gah tìp mat lơh kwèng, tam pà mờng chài ngan ngồn tàm broă lam lơh jat adat boh lam tàm dà lềng. Bơh hơ̆, pơgồp bơnah sơlơ tơnguh tai bơta git gơp lơh bơyô bal, lơh broă bal, git wă mờ pin dờn bal mờ gơp đah Mpồl kảñ sát dà lềng lơgar Việt Nam mờ mpồl sền gàr gah dà lềng lơgar Ấn Độ tàm tơngai tus.