VOV4.K’ho- Drim ngai 15/4, Kụk Kảñ sát gùng lòt mờ Kảñ sát gùng lòt gùt lơgar ai cau lơh broă uă gàr niam ờdo ờdă gùng lòt tàm dơ̆ ơm rlô ngai 30/4 mờ 01/5 tus do. Dơ̆ lơh broă uă geh lơh tàm pơgap 1 nhai, nàng kờñ tơrmù ƀà rềs àr, tơrmù gơ kòl gùng lòt, ngan là tàm ƀòn dờng dờng mờ ală gơl gùng kuơmàng.

Tàm dơ̆ lơh broă uă do, mpồl kảñ sát gùng lòt pal ngui jơh kông nghệ thông tin tàm ală gah broă lơh lòt sền, gròi sền gùng lòt, ngui ală broă lơh khoa họk kỹ thuật nàng git gŏ, lơh glài broă lơh tìs. Mờ kung sơlơ ai cau lơh broă lòt sền, sền sơ wì, lơh glài kràñ ală broă lơh tìs ờdo ờdă gùng lòt; tơrgùm tàm ală broă lơh tìs là jơnau lơh gơlik tơn rềs àr gùng lòt, kòl gùng lòt; gàr sùm mờ tơnguh cồng nha ală mpồl lơh broă pơgồp bal đah Kảñ sát gùng lòt mờ ală mpồl kwang àng ndai nàng git gŏ, lơh glài ală cau kờñ lơh tìs bè ờdo ờdă gùng lòt, pơgồp bal mờ rơcang sơndră cau tìs.

Cau mblàng K’Duẩn