Tàm dơ̆ pơrjum, 2 ƀan neh bal mờ gơp kờp sền, tơn jơh broă lam lơh jat sră nggal Khoă pơrjum dơ̆ 23, mờ kung ai tơlik, cribơyai mờ ring bal ală broă lơh sơlơ tơnguh bơta git gơp lơh broă bal 2 lơgar tàm gah lơh sa- kă bro, bơcri priă, khoa họk- kỹ thuật, niam chài- lòt nhơl, kung bè di tŭ tă bơsong ală kòl yan tàm 2, 3 rơndap broă lơh bal.

Tơn jơh khoă pơrjum, 2 nă kwang đơng lam bồ neh kĭ Sră nggan Khoă pơrjum dơ̆ 24 Ủy ƀan bàr Cíñ phủ Việt Nam- Nga bè lơh broă bal lơh sa- kă bro mờ khoa họk- kỹ thuật mờ ring bal Khoă pơrjum pơn jat tai rơp geh lơh tàm lơgar Nga tàm nam 2024, sền dơ̆ kĭ hơ ală jơnau ring bal lơh broă bal tàm gah khoa họk, kông nghệ kao.