VOV4.K’ho- Ngai 29/06, tàm Praha neh geh bơyai lơh khoă pơrjum dơ̆ 7-Ủy ƀan 2 Cíñ phủ Việt Nam mờ Czech bè lơh broă bal lơh sa. Mpồl Việt Nam bơh ồng Đặng Hoàng An-Thứ trưởng Ƀộ Kông thương, đơng lam bal Củ tịc Ủy ƀan 2 Cíñ phủ đah Việt Nam lơh kwang atbồ Mpồl bal mờ ală kwang bàng ala mat ai Cơl dŭ lơh broă Cíñ phủ, ală Ƀộ mờ Mpồl lơh sa kă bro Việt Nam dê.

Bàr lơgar kĭ sră cih kah khoă pơrjum dơ̆ 7 bơh Ủy ƀan 2 Cíñ phủ Việt Nam mờ Czech

Đơs tàm dơ̆ lơh broă, Thứ trưởng Đặng Hoàng An pà gĭt, gĭt gơ̆p lơh bơyô mờ lơh broă bal bơh jŏ đah 2 lơgar dê ngai sơlơ geh bơt bơtàu mờ bơtàu tơnguh. Jat tàm bơnàng jă ală cồng nha lơh geh tàm tơngai pa do, 2 gah đơs ngan Khoă pơrjum dơ̆ 7 geh bơta kwơ dờng màng ngan nàng kờñ jòi geh gùng dà lam lơh ală jơnau ring bal lơh broă bal tàm tơngai pa, cribơyai ală broă lơh nàng kờñ lơh geh bơta bơtàu tơnguh uă tàm gĭt gơ̆p lơh broă bal đah 2 gah, lơh tus là lơgar lơh broă bal lơh sa jŏ jòng bal mờ gơ̆p.

Cau mblàng K’Hạnh