VOV4.K’ho - Tàm hìu bơsram Học viện Lục quân (ƀòn dờng Dà Làc, càr Lâm Đồng), ală mpồl lơh broă tàm ù tiah Quân khu 7 mờ càr Ninh Thuận neh bơyai lơh Pơrjum kĭ hơ bal mờ lơh jăt kơrnoăt pơgồp bal tàm broă lơh jăt Nghị kuyết sồ 35 bơh Ƀộ Cíñ trị bè tơnguh broă sền gàr bơta tờm nùs nhơm bơh Đảng, tam dră ờ dờp mờ ală nùs nhơm tìs, tàm gơjrañ tàm bơta pa.

                                  Broă kĭ hơ pơgồp bal lơh jăt Nghị kuyết bơh Ƀộ Cíñ trị

Tàm tơngai pa do, broă lơh hìu bơsram Đảng bơh Dà lơgar tus tàm ală tiah, ală hìu bơsram tàm mpồl ling, Mpồl đơng lam 35 bơh ală tỉñ ủy, thàñ ủy đơs bal, tiah Đông Nam ƀộ đơs is sùm ai broă tam dră ờ dờp mờ ală nùs nhơm lơh tìs, tàm gơjrañ, sền gàr bơta tờm nùs nhơm bơh Đảng là kơnòl cíñ trị tờm ngan, geh kwơ mờ jal mhar. Ồng Nguyễn Tấn Vinh, Phó kwang atbồ hìu bơsram Học viện Cíñ trị tiah II đơs là, nàng lơh jăt niam ală jơnau kờñ, kơnòl bal mờ broă lơh tàm Nghị kuyết sồ 35 bơh Ƀộ Cíñ trị, pal lơh geh mờ lơh jăt geh cồng nha ală tơngu me pơgồp bal di pal tàm bơta pa.

Cau mblàng Ndong Brawl