VOV4.K’ho- Jăt jơnau yal bơh Đại sứ quán lơgar Đan Mạch dê, Kòn klau bơtau pơdờn bơtau mờ pơ ùr kòn klau bơtau lơgar Đan Mạch dê geh lam bồ mpồl ală mpồl lơh sa kă bro lơgar Đan Mạch còp ngan ngồn Việt Nam bơh ngai 01 tus ngai 12/11/2022. Dơ̆ lòt còp do là dùl bơnah bơh broă lơh tơngkah kir sơnrai 50 nam ngai lơh bơta gĭt gơ̆p lơh broă bal đah Việt Nam mờ Đan Mạch.

Dơ̆ lòt còp nàng kờñ tơnguh bơta lơh broă bal đah Việt Nam mờ Đan Mạch tàm gah broă lơh đèng càl mờ ngui năng lượng geh cồng nha. Kung tàm dơ̆ lòt còp do sơl, Kòn klau bơtau lơgar Đan Mạch mờ pơ ùr he dê bal mờ mpồl kwang bàng ala măt ală mpồl lơh sa kă bro lơgar Đan Mạch dê geh tìp mờ ală kwang bàng đơng lam bồ Dà lơgar mờ Cíñ phủ Việt Nam, ală mpồl lơh sa kă bro kung bè tus bal ală dơ̆ cribơyai bè tam gơl tơlir mờ lòt còp ală rơndăp broă lơh năng lượng.

Cau mblàng Lơ Mu K’Yến