Kon Tum ai tai mpồl cau lơh gùng che ồs đèng 500KV
Thứ năm, 08:15, 30/05/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Lơh jat jơnau sồr bơh Tập đoàn Ồs đèng Việt Nam mờ Tổng Kông ty Ồs đèng tiah tàm gùl lơgar, drim ngai 29/05, Kông ty Ồs đèng Kon Tum bơyai lơh dơ̆ ai mpồl cau lơh broă lam lài dong kờl lơh gùng che ồs đèng 500KV đèng 3 bơh Quảng Trạch (càr Quảng Bình) tus Phố Nối (càr Hưng Yên).
Do là broă lơh tờm Dà lơgar dê mờ jơnau sồr bơh Thủ tướng Cíñ phủ dê lơyài ngan rlau jơh ngai 30/06/2024 pal lơh sir rơndăp broă lơh nàng tơnguh broă pờ đèng ai tiah đah Tô Dà lơgar in. Mpồl lơh broă lam lài bơh Kông ty Ồs đèng Kon Tum dê geh 15 nă cau. Mpồl geh jàu kơnòl broă mut lơh broă, crăp, sơntơ̆p jrong đèng tàm tiah 374, gơwèt ù tiah xã Nghi Văn, kơnhoàl Nghi Lộc, càr Nghệ An.
Ồng Nguyễn Văn Hạnh, Kwang atbồ Kông ty Ồs đèng Kon Tum pà gĭt, mpồl lơh broă neh sền gĭt jơnau yal, ù tiah lơh kơnòl broă nàng sac rơwah cau mờ gùng dà broă lơh mut lơh di mờ jơnau sồr geh ngan. Mpồl neh rcang tơl làm jơh bal bè rơndeh rơndồ măi mok, phan bơna nàng gàr niam broă mut lơh jơh ngai mang.
Viết bình luận