VOV4.K’ho- Tơnơ̆ tŭ Rơndăp broă lơh lơh niam wơl 31 kơi sồ gơl gùng pơhìn gơtìp aniai tàm Gùng rơndeh dờng 24 lòt gan càr Kon Tum lơh gơs tơn neh gơlik geh broă làng bol ơm kis kềng bàr gah gùng cò pơnring măt ù lơh gơrềng tus tiah ơm kis geh is mờ gùng gah kềng ờdo ờdă lòt jơng, gơnoar ătbồ 2 kơnhoàl Kon Plông mờ Kon Rẫy, càr Kon Tum tiah geh Gùng rơndeh dờng 24 lòt gan gam sơlơ tơnguh tai broă lơh ătbồ lơh niam wơl broă geh ngan do. Gơnoar ătbồ 2 kơnhoàl Kon Plông mờ Kon Rẫy neh sồr Ủy ƀan Ñân zân ală xã, thị trấn tiah gơl gùng lòt gan sơlơ tơnguh tai broă lơh ătbồ.

Dùl anih làng bol cò pơnring lơh gơs bơnàng ù lơh hìu rềp kềng tơn gùng rơndeh dờng 24 lòt gan xã Tân Lập, kơnhoàl Kon Rẫy, càr Kon Tum

Gơwèt mờ ală broă dipal kờñ geh cò pơnring tài gơrềng bơh broă lơh gơl gùng den gơnoar ătbồ tiah hơ̆ bơto pơlam làng bol geh sră yal mờ jăt sền tàm ală tŭ cò pơnring. Ủy ƀan Ñân zân kơnhoàl Kon Rẫy tơngai pa do neh lơh glài 2 nă cau lơh tìs bơh broă lơh glài mờ priă tàm gah broă lơh tìs gah ù tiah tài bơh geh broă lơh cò pơnring ù lơh tam gơl ù tiah mờ lơh aniai ù.

Cau mblàng Lơ Mu K’Yến