VOV4.K’ho- Tềng đap bơta ƀơ̆ ƀơl gơlik geh tàm ƀlàng sồ siă yau tàm Hìu măi lơh niam phan sang kră Đăk Hà, Sở Tài nguyên mờ Môi trường càr Kon Tum sồr Kông ty do lam lơh ală broă lơh nàng sền gàr tiah ơm kis.

Dùl anih ƀlàng sồ siă yau, tiah gơlik geh ƀơ̆ ƀơl

Jat hơ̆, Kông ty TNHH kă bro mờ Kông nghệ tiah ơm kis- là mpồl tờm atbồ hìu măi sồ siă pal ntrờn jơh khà bŏ jơm tàm ƀlàng sồ siă yau rê hờ hìu jơm halà geh broă lơh jơm, cang bơta dà mìu mut hơ̆ sồng hòr lik bơdìh tiah ơm kis; tuah wàs bŏ bràs tàm tơnau dơng dà rơhiat sồ siă dê bơh ƀlàng sồ siă yau nàng tơnguh bơta pràn dơng bơh tơnau dê; Lơh kơ̆ kơljap mờ tơnguh jơnhua àr tơnau dơng nàng gàr ờ gơtìp lìu dà ƀơ̆ halà bơcah tơnau tŭ mìu sơr; geh broă rơndap lơh dipal nàng khòm tơrgùm jơh dà rơhiat sồ siă gơlik geh bơh ƀlàng sồ siă yau; sơlơ ƀồm cế phẩm siñ họk tàm ƀlàng sồ siă nàng tơrmù ƀà ƀô ƀơ̆, sơmac, rơhài gơguh uă.

Cau mblàng K’Duẩn