VOV4.K’ho- Mho ngai 15/09, tàm Hìu năc Hữu Nghị, ƀòn dờng Kon Tum, Ủy ƀan Ñân zân càr Kon Tum bơyai lơh wơl Broă lơh kơphê mpồl lơh sa kă bro cau lơh sa kă bro tơnơ̆ tơngai gơbàn kòp dờng Kovid-19.

Cribơyai mờ kwang đơng lam bồ càr Kon Tum tàm Broă lơh kơphê mpồl lơh sa kă bro, cau lơh sa kă bro, ala măt uă mpồl lơh sa kă bro pà gĭt, khi kung gam tìp kal ke bè ală broă bơh lài tus tŭ do tàm ală tŭ bơcri priă mờ lơh sa kă bro, bè: lơyài tàm broă lơh sră nggal đơs bal mờ gah broă lơh ù tiah đơs ir; bơta “hơđang sồr, hơđơm ờ gŏ lơh jăt” tàm broă dong kờl cau bơcri priă gam geh sùm tàm bàr pe tiah, anih lơh broă.

Tàm broă lơh do, ală cau lơh sa kă bro kung dờp geh jơnau hơ pơrgon bơh Củ tịc Ủy ƀan Ñân zân càr Kon Tum dê bè broă tŭ lơi kung rơcăng iăt kơno jơnau yal wơl mờ bơsong ală broă gơrềng tus broă lơh bơcri priă, lơh sa kă bro mờ mpồl lơh sa kă bro kơ̆p kờñ geh dong kờl.

Cau mblàng Lơ Mu K’Yến