VOV4.K’ho- Dơ̆ sơnrờp tàm càr Kon Tum geh dơ̆ lơh drà kơnuh sơnơm Ngọc Linh mờ ală phan bơna mùl gŏ gơ jăt bal mờ nhơl chờ. Broă lơh kă bro do geh kơnhoàl Tu Mơ Rông, tiah tam kơnuh sơnơm Ngọc Linh mờ tờm chi lơh sơnơm uă ngan bơh càr Kon Tum dê bơyai lơh bơh ngai 24- 26/04 do.

Pơrjum ƀăo yal dơ̆ lơh drà kơnuh sơnơm Ngọc Linh 

Mìng is drà pờ tơlik tàm internet geh lơh tàm 10 ngai tàm pang web kă bro điện tử càr dê, bơh ngai 22/4 tus ngai 02/05/2022. Tus bal Lơh drà do geh 44 cơldŭ ràng tăc phan bơh làng bol, mpồl lơh sa kă bro, hợp tak xã bơh kơnhoàl Tu Mơ Rông, càr Kon Tum dê mờ bàr pe mpồl tus bơh kơnhoàl Đah jum Trà My, càr Quảng Nam, Bình Dương, ƀòn dờng Đà Nẵng. Bơta phan yal tơngĭt tàm dơ̆ lơh drà mìng là kơnuh sơnơm Ngọc Linh bal mờ ală bơta phan lơh sơnơm, phan bơna mùl gŏ is ờ hềt gơtùi ngui mờ phan neh gơtùi ngui.

Cau mblàng Lơ Mu K’Yến