VOV4.K’ho- Tàm ƀòn dờng Kon Tum, Tỉñ đoàn Kon Tum pơgồp bal mờ Sở Giáo zụk mờ Đào tạo càr bơyai lơh Dơ̆ pơrlòng Tin họk kơnòm să càr Kon Tum dơ̆ XXII nam 2022. Tus bal Dơ̆ pơrlòng Tin họk kơnòm să càr Kon Tum dơ̆ XXII nam 2022 geh 90 nă cau tus bơh ală hìu bơsram kâp dùl, kâp bàr mờ kâp pe tàm ù tiah càr dê.

Ƀí thư Tỉñ đoàn Kon Tum jàu sră jờng rơ ai cau pơrlòng jak ngan in

Ală cau pơrlòng tơngŏ bơta pràn jak tin họk bơh he dê bơh broă lơh pơrlòng tàp lơh tàm ală dà đơs lập trìñ nàng lơh ală jơnau toán tàm 3 ƀảng: Ƀảng A ngui dà đơs SCRATCH halà Python nàng lơh ală jơnau toán gơwèt jơnau bơsram kâp dùl; Ƀảng B mờ Ƀảng C ngui dà đơs lập trìñ Free Pascal, DevC++, CodeBlock, Python nàng lơh ală jơnau toán gơwèt jơnau bơsram kâp bàr mờ kâp pe. Tơn jơh dơ̆ pơrlòng, Mpồl bơyai lơh neh jàu khà jờng ai 31 nă cau pơrlòng jak ngan in.

 Cau mblàng Lơ Mu K’Yến