Tus tŭ do càr Kon Tum neh lam lơh Anih ală jơnau ngui bal mờ Anih ală jơnau điện tử ai cau dồ nă să is, mpồl cau tàm drơng broă dà lơgar tàm internet bơh càr dê; ală jơnau bè làng bol ơm kis; lơh sơnơm, bơto bơtê, phan kwơ tàm ù tiah, tiah ơm kis mờ lơh sa suơn sre geh jơh nùs lơh jat; rlau 98% cau blơi Bảo hiểm xã hội, Bảo hiểm y tế, Bảo hiểm ờ geh broă lơh neh geh dồ ròt bal mờ lơh ngan ngồn mờ ală jơnau Dà lơgar dê bè làng bol ơm kis; 100% anih kham sơm kòp geh tơm priă mờ ờ ngui priă mat...

Tàm pơrjum, ală cau ala mat neh yal uă jơnau cribơyai mờ tơrgùm cribơyai gơwèt mờ ală broă kwơ màng tàm broă lơh tam gơl sồ bơh càr dê; tơrgùm mblàng yal, tam pà bal ală broă lơh niam, broă lơh bơceh lơh tàm tŭ lơh jat tam gơl sồ. Sền gĭt tam gơl sồ là dùl tàm ală bơta gơn kơnờm nàng bơtàu tơnguh lơh sa- mpồl bơtiàn, Anih duh broă làng bol càr Kon Tum sồr ală kấp, ală gah broă ai làng bol, mpồl lơh sa kă bro lơh tờm, lơh cau tờm tàm broă tam gơl sồ mờ jơnau kờñ drơng broă làng bol mờ mpồl lơh sa kă bro.