Kon Tum: Càl pồt pràn, mìu piar lơh gơbàn hoàc huơr mờr 6 tơmàn 800 tơlak đông
Thứ ba, 13:54, 25/04/2023
Cau mblàng K'Duẩn/VOV Tây Nguyên
Cau mblàng K'Duẩn/VOV Tây Nguyên
VOV4.K'Ho- Tơnơ̆ dùl ngai lòt sền, tơrgùm kờp ală hoàc huơr, jơnau yal bơh Cơldŭ Lơh sa ƀòn dờng Kon Tum, càr Kon Tum dê ai gŏ dơ̆ càl pồt pràn, mìu piar gơlik geh tàm mho mang ngai 23/4 tàm ƀòn dờng neh lơh gơbàn hoàc huơr mờr 6 tơmàn 800 tơlak đông.
Hoàc huơr kơn jơ̆ ngan rlau jơh bơh dơ̆ càl pồt pràn, mìu piar lơh gơbàn tàm ƀòn dờng Kon Tum là gah lơh sa suơn sre. Jat tơrgùm kờp bơh Cơldŭ Lơh sa ƀòn dờng dê, geh rlau 160 lồ kòi mờr tus ngai tơ wès gơtìp aniai tài bơh mìu piar, uă ngan hoàc huơr rlau 70%. Bal mờ kòi, mìu piar kung lơh aniai mờr 2 lồ 5 sàu plai màk mờ rlau 5 lồ biap, phan tam lơyah ngai ndai.
Gơnoar atbồ ƀòn dờng bal mờ làng bol mhar bơsong jơnau gơlời wơl bơh dơ̆ càl pồt pràn, mìu piar mờ pơlam làng bol rơcang sơndră lài mờ bơta trồ tiah ờ niam tàm tơngai tam gơl kàl bơh kàl prang tus kàl mìu.
Viết bình luận