VOV4.K’ho- Mho ngai 10/10, tàm ƀòn dờng Kon Tum, Sở Thông tin mờ Truyền thông càr Kon Tum bơyai lơh dơ̆ cribơyai, tìp mat tơngkah kir sơn rai Ngai bơhiàn gah lĭp, in mờ ngui sră Việt Nam (10/10/1952- 10/10/2022).

Tŭ do mờ pơgap 100 anih geh gơnoar lơh broă, in, lĭp, ai ngui, gah lơh lĭp sră gàr niam tăc ală bơta sră, sră băo, sră nggal drơng broă bơsram sră mờ sền sră bơh làng bol dê. Càr Kon Tum kung neh ring bal rơndap bơtàu tơnguh gah sră băo, lĭp, in, mờ ai ngui sră neh lĭp tus nam 2025, bơta wèt sền tus nam 2030. Tàm dơ̆ cribơyai, tìp mat ala bàr pe mpồl lơh broă lĭp, in mờ ai ngui sră càr Kon Tum neh geh uă jơnau đơs jơh nùs, ai tơlik gùng dà broă lơh nàng gàr niam bơta ring bal đah kơnòl broă cíñ trị mờ bơta kwơ kă bro; pơn jờng, bơtàu tơnguh bơta niam chài sền sră tàm mpồl bơtiàn dê.

VOV Tây Nguyên- Cau mblàng K’Hạnh