VOV4.K’ho- Bal mờ broă lơh rơcang lài nàng dơ̆ pơrlòng jơh bơsram kâp 3 nam do geh lơh ờdo ờdă, song dơpă, ală kâp mờ gah lơh broă geh gơnoar tàm càr Kon Tum kung neh geh broă rơndap lơh dong kờl ală cau pơrlòng geh rài kis kal ke. Kờp tus tŭ do, tàm kờp jơh rlau 4 rbô 700 nă cau pơrlòng bơh càr Kon Tum dê tus bal dơ̆ pơrlòng jơh bơsram kâp 3 nam do, geh rlau 1 rbô 200 nă cau pơrlòng geh mat tàm sră cih mat geh dờp broă dong kờl kờp bal tơl oh 314 rbô đông. Bơnah priă dong kờl cau pơrlòng bơh Ủy ƀan Ñân zân ală kơnhoàl mờ Mpồl dong kờl bơsram ƀòn dờng Kon Tum hòi jà tă pơgồp.

Mpồl rơndeh ơpah bơh cau kơnòm să Kon Tum dê dong cau pơrlòng tàm dơ̆ pơrlòng jơh bơsram kâp 3 nam 2022

Ală cau pơrlòng geh dong kờl là cau jơi bơtiàn kòn cau dùl êt nă cau halà cau gơ wèt hìu bơnhă rƀah, kơnòm kòn đời bơh 28 hìu bơsram tàm càr. Bal mờ dong kờl bè phan bơna, lài mờ tŭ mờ tàm ală ngai geh lơh dơ̆ pơrlòng jơh bơsram kâp 3, ală kâp mờ gah lơh broă geh gơnoar tàm càr Kon Tum kung neh geh broă rơndap lơh dong kờl ală cau pơrlòng geh rài kis kal ke. Tỉñ đoàn Kon Tum pà git, cau kơnòm să Kon Tum neh geh broă rơndap lơh ngan ngồn nàng lam lơh niam broă lơh “Dong kờl nhai pơrlòng” tàm 12 anih pơrlòng ngan ngồn mờ 9 anih pơrlòng rơcang gàr lài.

Cau mblàng K’Duẩn