VOV4.K’ho- Tàm càr Kon Tum uă broă lơh sền gròi rơcăng sa tềp ai làng bol in gam geh lam lơh jăt. Ủy ƀan Ñân zân càr Kon Tum kung neh lơh nền bè khà dong kờl ai hìu bơnhă rƀah mờ mờr ndrờm bè hìu rƀah in wă rò sơnam pa sa tềp bơhiàn dà lơgar dê Ñâm Zần 2022. Jăt mờ hơ̆, kờp jơh priă mờ càr Kon Tum lời dong kờl ai hìu bơnhă rƀah mờ hìu mờr ndrờm bè hìu rƀah in wă rò sơnam pa sa tềp Ñâm Zần 2022 là mờr 16 tơmàn đong.

Mpồl ling sền gàr tiah nhàr lơgar càr Kon Tum jàu priă dong kờl bơsram ai kơnòm bơsram rƀah in

Tàm hơ̆, khà dong kờl ai hìu rƀah in là 600 rbô đong mờ cau hìu mờr ndrờm bè hìu rƀah in là 300 rbô đong. Tàm càr Kon Tum tàm ală ngai do den kung gam geh lơh uă broă lơh sền gròi rơcăng sa tềp ai làng bol in, ngan là làng bol kis tàm tiah sar lơgar ngài, tiah jơi bơtiàn kòn cau dùl êt nă cau mờ tiah nhàr lơgar in. Tus ngai do gĭt nđờ rbô bơnah phan sa tềp neh geh jàu tàm tê hìu bơnhă in halà ală kơnòm bơsram geh rài kis kal ke in. Ală broă lơh, bè: “Sơnam pa sền gàr tiah nhàr lơgar ram nùs làng bol ƀòn lơgar”, “Lòt bal mờ cau ùr tiah nhàr lơgar”, “Ngai chờ klơm kơnâm mbar tơlir”...geh bơyai lơh bơh tơngai do tus ală ngai mờr tus ngai sa tềp cèng tus nùs nhơm sa tềp ram mhŭ kờñ gơboh tus mờ jơh tơl nă cau in...

Cau mblàng Lơ Mu K’Yến