VOV4.K’ho- Gah đơng lam mpồl ling sền gàr tiah nhàr dà lơgar càr Kon Tum pơgồp bal mờ kấp ủy, gơnoar atbồ càr neh dùl ròt bơyai lơh broă lơh “Ngai chờ sền gàr tiah nhàr dà lơgar jơh gùt làng bol nam 2022” tàm 13 xã tiah nhàr dà lơgar rềp mờ 2 lơgar Lào, Campuchia.

Bal mờ broă sền wơl broă lơh jat Jơnau sồr bơh Cíñ phủ dê bè broă lam lơh srơh jơh gùt làng bol tus bal sền gàr gơnoar tờm ù tiah, lơngap lơngai tiah nhàr dà lơgar, ngai chờ neh jờng rơ uă broă lơh bơtàu tơnguh lơh sa- mpồl bơtiàn, tam gơl mờng quèng kơlôi sơnơng, lơh broă kung neh geh lam lơh dong làng bol tàm tiah nhàr dà lơgar. Di dơ̆ do, Gah đơng lam mpồl ling sền gàr tiah nhàr dà lơgar càr Kon Tum mờ kấp ủy, gơnoar atbồ ală tiah neh jàu pà 2 nơm hìu tam klac dờng, dùl broă lơh dong kờl kơnrồ me; 120 bơnah phan pà hìu bơnhă rƀah, jàu pà phan, priă dong kờl ai 90 nă kơnòm bơsram rƀah, mờ kung jờng rơ git nđờ jơt mpồl bal, cau dùl nă să geh cồng nha jak ngan tàm srơh sền gàr tiah nhàr dà lơgar.

Cau mblàng K’Duẩn