Broă lơh “Gàr niam drà kă bro phan di lài mờ satềp, tàm satềp mờ tơnơ̆ mờ satềp Quý Mão nam 2023” geh UɃÑZ càr Kon Tum lơh jăt geh 2 mpồl dan tus bal, tàm hơ̆ geh Siêu thị Co.op Mart mờ Siêu thị Win Mart. Bàr mpồl do lơh jăt broă prăp gàr khà phan kông nghệ, phan sa, phan ngui ris kis mờ phan neh geh lơh lài kờp jơh khà geh 53 tơmàn đong. Priă ngui nàng prăp gàr phan kă bro geh mpồl lơh sa kă bro tă pơn drờm is.

Nàng ƀuơn tàm broă ai làng bol in kờñ blơi phan di tàm tŭ lài mờ satềp, tàm satềp mờ tơnơ̆ mờ satềp Quý Mão nam 2023, tàm ƀòn dờng Kon Tum, bàr mpồl tus bal broă lơh gàr niam khà priă geh sùm 2 hìu ràng tăc phan ơm kơ̆ dùl bă tiah. Bơdìh hơ̆ tai, bàr mpồl do kung bơyai lơh lòt tăc phan mờ rơndeh tàm 2 xã tiah làng bol kòn cau gơtìp kal ke ngan càr Kon Tum dê, tàm hơ̆ geh xã Đăk Sao, kơnhoàl Tu Mơ Rông mờ xã Mường Hoong, kơnhoàl Đăk Glei.