VOV4.K’ho - Drim òr (10/06), tàm ƀlàng tơ̆p ƀồc cau ling chơ̆t màng kơnhoàl tiah nhàr dà lơgar Ngọc Hồi, Tỉñ ủy, HĐÑZ, UɃÑZ, UɃMT dà lơgar Việt Nam càr Kon Tum bơyai lơh ies, tơ̆p 13 ƀồc ntìng cau ling chơ̆t màng Mpồl K53 jòi rồ geh tàm lơgar Lào mờ lơgar Campuchia tàm kàl prang 2021-2022.

                       Kwang bàng tus pơrjum cèng ƀồc ntìng cau ling chơ̆t màng nàng tơ̆p

           Dơ̆ ies ƀồc ntìng cau ling chơ̆t màng tàm ƀlàng tơ̆p ƀồc cau ling chơ̆t màng kơnhoàl Ngọc Hồi

Tàm nùs nhơm kah ưn ngài uă, Mpồl kwang bàng ala măt 3 càr Attapư, Sê Kông, Chăm Pa Sắc, lơgar Lào; Rattanakiri, lơgar Campuchia; Mpồl kwang bàng ala măt Quân khu 5, Sư đoàn 10, Mpồl kwang bàng càr Kon Tum mờ gal ngan làng bol kis tàm kơnhoàl Ngọc Hồi neh tus chu ñàng, pơdơng bơkào kah kơlôi, ưn ngài ală cau ling neh chơ̆t phi să, cau jăk chài lơgar Việt Nam neh geh mpồl K53 càr Kon Tum jòi geh tàm kàl prang nam 2021-2022, geh 7 ntìng ƀồc cau ling chơ̆t màng geh jòi gŏ tàm 3 càr hờ đah jum lơgar Lào, tàm hơ̆ geh Attapư, Sê Kông mờ Chăm Pa Sắc; 6 ƀồc ntìng cau ling chơ̆t màng geh jòi gŏ tàm càr Rattanakiri, lơgar Campuchia.

Cau mblàng Ndong Brawl