VOV4.K’ho- Ngai 01/06, Sở Văn hoá Thể thao mờ Zu lịc càr Kon Tum bơyai lơh dơ̆ tơn jơh mờ jàu phan ƀàn dơ̆ pơrlòng wac sềr rùp kơnòm dềt dê, tơngume “Tiah nhơl ñŏ kơ̆p kờñ bơh oh dê”.

200 pang rùp geh ràng tơlik tàm Ƀảo tàng càr Kon Tum

Tơnơ̆ 5 nhai lam lơh, Mpồl bơyai lơh dơ̆ pơrlòng wăc sềr rùp kơnòm dềt “Tiah nhơl ñŏ kơ̆p kờñ oh dê” neh dờp geh rlau 5 rơbô 700 pang rùp bơh kơnòm bơsram ală hìu bơsram kấp dùl mờ kấp bàr tàm ù tiah càr Kon Tum dê. Sơr lèt gan dar bơh sơn rờp, 200 pang rùp niam ngan neh mut tàm dar lồi dŭt mờ geh ràng tơlik, yal tơngĭt tàm Ƀảo tàng- Thư viện càr Kon Tum dê. Bal mờ dơ̆ tơn jơh mờ pà phan ƀàn dơ̆ pơrlòng wac sềr rùp kơnòm dềt in, di ngai Dunia kơnòm dềt ngai 01/06, tàm ală ngai do tàm càr Kon Tum kung neh mờ gam bơyai lơh uă broă lơh tơngŏ bơta sền gròi, dong kờl ai kơnòm dềt in, rơnàng tơnơ̆ do bơh dà lơgar dê.

Cau mblàng K’Hạnh