Do là broă lơh bơsong broă kĭ ờ di pal, nàng sền gàr măt kă bro kơnuh sơnơm dà lơgar sền gàr Ngọc Linh dê. Jat hơ̆, Ủy ƀan Ñân zân kơnhoàl Tu Mơ Rông lơh nền sơrbì Sră dờp broă tam mờ tơnhào kơnuh sơnơm neh ai Kông ty Kổ phần Ơlak Kơnuh sơnơm Ngọc Linh in tàm ngai 30/5/2022. Jơnau gơbàn là tơngume cih ờ hềt di mờ bơta geh ngan.

Ồng Võ Trung Mạnh, Củ tịc Ủy ƀan Ñân zân kơnhoàl Tu Mơ Rông pà gĭt, Phó Củ tịc kĭ tơn sră dờp do neh geh jơnau yal mblàng yal mờ sền is tìs di kơnòl broă. Broă Ủy ƀan Ñân zân kơnhoàl Tu Mơ Rông ai wơl mờ sơr bì tĕ sră dờp ờ di pal mờ bơta geh ngan broă tam kơnuh Sơnơm Ngọc Linh bơh dùl mpồl lơh sa kă bro tàm ù tiah kơnhoàl dê nàng lơh niam wơl mờ kung là broă lơh kờñ pal geh nàng sền gàr măt kă bro Kơnuh sơnơm Ngọc Linh dê, sền gàr cau ngui in.