Tài gơrềng bơh mìu càl rơbŭt dờng sồ 6, bơh mho ngai 26/10, tàm ù tiah càr Kon Tum geh mìu dờng dimơ mờ mìu dờng tàm uă tiah, tàm hơ̆ ù tiah kơnhoàl Đăk Glei dà mìu kờp bal bơh 80 tus 120 mm. Ală kơnhoàl Ia H’Drai, Kon Plông, Đăk Tô, Kon Rẫy, Ngọc Hồi, Sa Thầy mờ ƀòn dờng Kon Tum khà mìu dờng uă ngan bơh 50 tus 81mm.

Lam lơh broă lơh drơng mờ mìu càl rơbŭt dờng sồ 6, Anih duh broă làng bol càr Kon Tum sồr 10 kơnhoàl, ƀòn dờng is ồn là 3 kơnhoàl tiah đah mat tơngai lik, tiah đah tô mat tơngai lik bơh càr dê, geh Đăk Glei, Tu Mơ Rông mờ Kon Plông lơh jat niam jơnau sồr lơh bơh Cíñ phủ, Ƀộ, gah broă Dà lơgar mờ bơh càr dê bè sơlơ tơnguh tai broă lơh drơng mờ trồ tiah lơh aniai. Pơn jat tai jat sền niam bơta gơlik geh mìu dờng dà kŏ dà cò, lơh jat gùng dà broă lơh “4 tàm dồ bă tiah” crăp rcang drơng broă, bơsong ală bơta digơlan gơlik geh bơh trồ tiah lơh aniai, bơta aniai mờ jòi dong kờl rềs àr; lam lơh ală broă lơh sền gàr, gàr niam lơngăp lơngai bè cau, phan bơna bơh làng bol dê, gàr niam lơngăp lơngai rơndăp tăp sèng mờ tàm tiah ntrờn làng bol ơm kis.