Thủ tướng sồr ală ƀộ, gah broă lơh dà lơgar, càr, ƀòn dờng pơnđơl uă ngan rlau jơh, lơh broă kràñ cê, jơh nùs nàng lơh geh jơnau kờñ gơguh lơh sa 2 nơm sồ jat Jơnau lơh nền tàm pơrjum dờng dơ̆ XIV bơh Đảng dê. Ala mat uă càr, ƀòn dờng ai tơnggŏ bơta lơh ngan bơh nhai bơh chờm, quý bơh chờm nam 2026 dê tơn, lơh gơlik bơta tam gơl loh làng ngan bè ai priă bơcri dà lơgar, tam gơl wơl sră pơ gàr, tam gơl anih kă ro. Thủ tướng đơs sùm, nam 2026 là nam bơh chờm tơngai lơh broă, geh kuơ lơh gơlik bơnàng jă, lơh gơlik bơta pin dờn mờ nùs nhơm lơh jat Jơnau lơh nền tàm pơrjum dờng dơ̆ XIV mờ uă bồ tơngoh sồr lơh pa, tam gơl pràn. Thủ tướng sồr tơrgùm lam lơh broă lơh mờ ală broă jàu bè lơh sa mpồl bơtiàn kuơmàng, lam lơh ngan ngồn 12 mpồl kơnòl broă gơ gơs 264 kơnòl broă, rơndap broă kuơmàng; mờ kung sền dờng màng tus niam chài – mpồl bơtiàn, lơngăp lơngai rài kis, gàr tơl priă nhai, priă jờng sa tềp ai cau lơh broă in, gàr kơ̆ lơngap lơngai dà lơgar, rơndap tap sèng ring lơngai mpồl bơtiàn.