VOV4.K’ho- Mờ tơngume “Tơrbŏ bal mpồl bơtiàn- Gơ rề uă broă lơh kờñ gơboh bal kòn bơnus”, drim ngai 09/5, tàm ƀòn dờng Kon Tum, Mpồl Cữ thập đỏ càr Kon Tum bơyai lơh dơ̆ Lam lơh Nhai lơh broă niam dong kờl cau nam 2022.

Jờng rơ mpồl cau tă pơgồp jơh nùs tàm broă lơh dong kờl cau

Tàm Nhai lơh broă dong kờl cau nam do, Mpồl Cữ thập đỏ càr Kon Tum lơh ngan dong kờl bơh 3 tus 5 rbô dơ̆ cau geh rài kis kal ke; lơh 8 nơm hìu Cữ thập đỏ halà broă lơh drơng mpồl bơtiàn in; Lam lơh kham kòp, pơlam sền gàr pràn kơldang să jan, pà sơnơm ờ sa priă ai làng bol tiah kal ke in.Mpồl Cữ thập đỏ càr Kon Tum pà git, nàng lơh gơtùi jơnau kờñ pa yal, Mpồl Cữ thập đỏ càr Kon Tum geh sơlơ tơnguh broă tàm tơrbŏ bal mpồl bơtiàn, gơ rề uă broă lơh kờñ gơboh bal kòn bơnus di bè tơngume bơh Nhai lơh broă niam dong kờl cau nam do dê. Tàm dơ̆ lam lơh Nhai lơh broă niam dong kờl cau nam 2022, Mpồl Cữ thập đỏ càr Kon Tum neh dờp mờr 140 tơlak đông bơh ală mpồl cau mờ cau dùl nă să dong kờl tơn.

Cau mblàng K’Duẩn